屬猴嘅朋友喺2019年屬於相害年,即係唔吉利嘅暗害年。由於有粒『絞煞』凶星嘅入侵,正所謂『絞煞侵犯,煩惱自尋』,今年各位猴仔猴女應該會覺得人際關係欠佳,會帶給自己不少煩惱。事業上發展較為阻滯,感覺沉悶,可以出外旅行開吓心轉吓運啦!
事業方面,屬猴嘅朋友今年『卷舌』同埋『劫煞』凶星嘅影響,您嘅人際關係特別差,受身邊女性嘅連累,令您事業上惹來是是非非,帶來唔少煩惱。故此,今年您難免會因事業被女性所害而破財,要好好看管著您的『荷包』為要!好在有粒『福星』關照住,喺需要嘅時候,都會有貴人出現幫助您,將D煩惱解決曬。
喺財運方面,屬猴嘅朋友受到『天德』貴神星嘅拱照,佢係一粒正財嘅增進星,求取正財收入頗為理想。偏財運方面,慎防『卷舌』煩惱星纏繞較為反覆!您在簽署文件合約時,要清清楚楚,提防陷入官非裡面而破財!
猴仔猴女今年桃花運方面,有粒『福星』貴人星照住,會有嫁娶、生育,出席喜慶或飲宴之情況出現。愛情路上亦得心應手,笑口常開。未搵到合適心儀對象嘅人,不妨試下主動出撃,有機會覓得意中人,開心愉快!
健康方面,猴仔猴女因為受到『絞煞』兇星嘅影響,所以要特別小心身體受損傷,留意自身安全,出外要步步留神,不宜去人多嘅公眾地方,留意車船之險,防血光之災。可以捐血、洗牙嘅行為作一化就可以。
雖然屬猴嘅朋友喺2019年似乎會係阻滯重重,明得暗失,可以用以下布局來化解!今年瘟神災星喺西南面,擺個『化災銅葫蘆』嚟化解,甚至配帶一個『化災金牌』傍吓身,災難自然會消失!如果桃花劫太旺,放個『和合二仙』喺正西面嘅桃花位,帶埋個『和合金牌』,愛情就更加甜甜蜜蜜!