屬狗嘅朋友,喺2021年屬於暗刑暗生年,即係運程表面上,會係明失暗得,得到『天德』同埋『福星』吉星高照,正所謂『天福相照,吉事齊來』,從正途方面發展,將會獲得唔錯嘅收益!
事業方面,受到卷舌及『三刑』凶星嘅影響,您嘅人際關係特別差,容易受女性連累,令您事業上惹來是是非非,帶來唔少煩惱。好在有粒『福星』關照住,喺需要嘅時候,都會有一D貴人出現,幫助您將D煩惱全部解決曬。
財運方面,得到『天德』貴神星嘅拱照,令您求取財運收入方面頗為理想。至於偏財運方面,較為反覆,慎防『卷舌』煩惱星嘅纏繞,而令您破財!
桃花運方面,得到『福星』吉星的拱照,喜事重重,有情人可以終成眷屬。但要小心『三刑』及『寡宿』星嘅影響,提防受到三角關係的糾纏,令您困惱不安!
健康方面,受到『三刑』兇星嘅影響,要特別小心身體,容易遭受損傷,不宜去人多聚集嘅公眾地方,留意車船之險,慎防血光之災,能夠捐吓血、洗吓牙作化解,就最好不過喇!
雖然屬狗嘅朋友,喺2021年似乎運勢欠佳,意外重重壓力又大,可以作以下布局來化解!2021年嘅是非位喺屋嘅西南方,改用紅色系列嚟佈置,最理想就係加埋一個化是非葫蘆。另外,桃花位喺東北方,可以擺黃色鮮花,同埋配帶一個月老金牌,愛情就會更加甜甜蜜蜜啦!