屬鼠嘅朋友喺2019年屬於三會年，即係一個和好嘅年份。而且有粒『太陽』吉星照護住，正所謂『太陽護照，步步高升』，所以今年各位鼠仔鼠女，應該感覺得特別明顯暢順！生活及事業上均得心應手；做生意的朋友，亦適宜開拓更廣的生意範疇，令事業更上一層樓。

        事業方面，屬鼠嘅朋友今年受到『晦氣』星的影響，經常會出現受人找晦氣的局面。在『晦氣』凶星的帶動下，您與親友合作嘅情緣恐產生變化。當您處理人際關係時，應保持心境平和，避免產生爭爭鬥鬥的感覺。得到『太陽』星的幫助，事業方面凡事都可以得心應手。從正途得到財利，留意身邊的男性貴人！ 

　　喺財運方面，屬鼠嘅朋友要小心『天空』散財星入侵，有小破財嘅機會，故此，除了原有嘅日常開支外，還會令您哋多咗其他額外花費。好在有粒『太陽』星暗中拱照著，帶比您一些賺錢的機會，財運亦自然有所進益啦！ 

　　鼠仔鼠女今年桃花運方面有變化，因『咸池』同埋『天空』凶星齊齊出現所影響，令您哋感情投入容易出現一D情緒不安嘅問題，經常將D事情由小事化大，導致您與愛侶建立多年感情，有減退之現象；甚至因情緒上小毛病引發成抑鬱症！ 

　　健康方面，鼠仔鼠女因『天空』同埋『晦氣』兇星入侵，家人健康出現問題，甚至大病或者喪事發生，自己身體亦感到不適之類，嚴重會突然遇到不測意外等等；應盡量避免去醫院探病問喪，今年感覺到頭頭碰著黑。

　　雖然屬鼠嘅朋友喺2019年似乎運勢似好非好，佳景未至，可以作以下布局來化解！今年是非位喺屋嘅正南方，可以擺一Ｄ紅色系列佈置，同埋放一個『化是非葫蘆』，或者掛紅色燈籠綁上九條紅絲帶，燃點九枝紅蠟燭，用火光紅氣去化解，放埋個『人緣和合金牌』喺身邊，愛情就會好番好多。