屬豬嘅朋友喺2020年屬於三會年,即係一個和好嘅年份,因為有粒『陌越』突破吉星照護住,所謂『陌越吉星,步步高升』。故此,喺2020年各位豬仔豬女喺事業上,感覺到特別明顯暢順,生活及工作上會係得心應手;至於做生意嘅朋友,亦適宜去開拓更廣的生意範疇,令事業更上一層樓。
事業方面,屬豬嘅朋友喺2020年得到『陌越』同埋『貴人』星嘅拱照,事業會步步高升,當心事業進步之餘,卻受到『亡神』凶星的負面影響,令您要分心處理其它麻煩嘅事務,導致與同事間嘅合作關係相處為差。可能由於您的職位有所變化嘅原故,小人特別多,令同事間對您作出對立。故此,您必需主動與佢地作出協調,嚟減少不必要的糾紛和誤會。
財運方面,屬豬嘅朋友喺2020年由於受到『亡神』凶星嘅影響,投資發展好容易產生失財劫難,故您應要小心謹慎去處理您的財務支出!好在有粒『陌越』吉星仍然拱照住,能夠得到貴人星暗中幫助下,反而可以令您在財運上,有不錯進賬。
桃花運方面,豬仔豬女喺2020年由於『吞陷』凶星的出現,您身邊嘅伴侶會突然脾氣轉差,經常聚少離多而令您感到苦悶,情緒不穩心神不定,從而產生爭拗不和,關係構成壓力,一時感觸,令您經常大喊一場!
健康方面,豬仔豬女喺2020年受到『病符』凶星嘅入侵,容易發生小意外或者損傷,您患病嘅機會亦大大增加。留意傷風、氣管嘅疾病,但不用太擔心呢種疾病,全部都是一D普通嘅小問題,唔會對您嘅身體帶來好嚴重影響。
雖然屬豬嘅朋友喺2020年,似乎健康運勢欠佳,財運困擾,但並唔係冇化解嘅方法!2020年嘅五黃位喺正東面,千祈唔好喺呢位置種植樹木或者動土。最好供奉吓2020年嘅太歲,或者隨身袋番個太歲金牌保護吓!同時,喺屋嘅西北方財位放個聚財寶箱,正南方嘅病位放個化病葫蘆,健康同財氣都會好得多啦!