屬狗嘅朋友喺2020年屬於和平年，即係一個順境嘅年份，由於有粒『八座』吉星入命嘅原故，正所謂『八座吉神，萬事大吉』。故此，喺2020年各位狗仔狗女，雖然會覺得工作上有D困阻重重，最終喺吉星的照護下，得以從容解決，令謀事進展最後感覺一帆風順，事業運程更加得到較好嘅發展添。

　　事業方面，屬狗嘅朋友喺2020年感覺身心愉快，但係唔好忘記順境之餘，小心有粒『浮沉』凶星入侵，導致您與同事間突然爭拗多咗，好在有粒『天解』貴神星高照住，就算遇上任何困難或障礙都能迎刃而解。留意吓一D客人、朋友對您特別有好感，會介紹新客路給您認識，令到您嘅人際網絡更加廣闊，事業自然更上一層樓，仲有升職機會添。 

　　財運方面，屬狗嘅朋友喺2020年提防『豹尾』凶煞星嘅影響，所謂『豹尾損財，橫事不斷』，您容易受騙而導致有財散嘅機會，或因病而用去一筆較大錢財，破財難免。幸而有粒『解神』吉星降臨作出保護，令凶力減到最低，奈何經濟仍然感覺唔穩定。總之，切勿胡亂作出大投資！ 

　　桃花運方面，狗仔狗女喺2020年由於『天狗』同埋『豹尾』凶星入侵，您與伴侶間不宜有任何錢銀瓜葛，提防因破財而反目成仇。已婚人士要當心墮入桃花陣中，自尋煩惱。至於未有戀愛對象嘅人仕，有機會從朋友聚會中，搵到合適對象。 

　　健康方面，狗仔狗女喺2020年受到『血刃』凶星嘅影響，所以您要小心容易遭受到損傷，或者血光之災的意外，甚至會無故跌倒。故此，您出外時應要步步留神，宜少往公眾人多聚集嘅地方。慎防車船之險，劇烈運動則可免則免。 

　　雖然屬狗嘅朋友喺2020年，似乎唔係好夠順利，經常勞而無功，可以用以下布局來化解吓！2020年嘅病符星喺屋嘅正南方，放一串八帝錢配埋化病能量銅葫蘆吸走曬Ｄ病氣，或者喺自己身邊袋一個化病能量金牌，病痛就會少咗喇。此外，袋多個貴人能量金牌喺身邊確保安康，自然運氣就會好番曬。