屬雞嘅朋友喺2020年屬於相破年,即係暗破太歲有麻煩,由於有一粒『絞煞星』入侵,正所謂『絞煞傷殘,刑傷難免』。所以2020年各位雞仔雞女,應該會覺得口舌是非特別嚴重,患病機會大增,如感覺真係身體不適,應及早求醫,切勿延誤而弄致病情惡化。
事業方面,屬雞嘅朋友喺2020年受到『卷舌』及『咸池』凶星嘅影響,您嘅人際關係特別差,容易受女性連累,令您事業上惹來是是非非,帶來唔少煩惱。故此,您難免會因事業被女性所害而破財,要好好看管著您的『荷包』呀!好在有粒『福德』吉星關照住,喺需要嘅時候,都會有一D貴人出現,幫助您將D煩惱全部解決曬。
財運方面,屬雞嘅朋友喺2020年得到『天德』貴神星嘅拱照,佢係一粒正財嘅增進星,令您求取正財收入嘅時候頗為理想。至於偏財運方面較為反覆,慎防『卷舌』煩惱星嘅纏繞。留意!當您簽署文件合約時,要清清楚楚,提防陷入官非裡面,而令您破財!
桃花運方面,雞仔雞女喺2020年有兩粒『天喜星』同埋『福星』照住,經常會見到一D嫁娶、生育,甚至出席喜慶、飲宴嘅情況出現。愛情路上亦得心應手,笑口常開。至於果D仍然未搵到心儀對象嘅雞仔雞女,不妨試下主動出撃,或者有機會覓得意中人,開心愉快!
健康方面,雞仔雞女喺2020年受到『飛刃』兇星嘅影響,要特別小心身體容易遭受損傷,留意自身安全。出外時要步步留神,不宜去人多聚集嘅公眾地方,留意車船之險,慎防血光之災,能夠捐吓血、洗吓牙,作化解就最好不過喇。
雖然屬雞嘅朋友喺2020年,似乎運勢唔係好如意,小人亦多,但並唔係冇化解方法嘅﹗想催旺事業同埋財氣,可以喺西南面嘅文昌位,放4枝毛筆同埋4隻黃玉元寶,甚至放埋一條銅金龍,以求工作順利,嚟突顯您個人嘅名望地位及財運。同時,隨身佩戴一個化病金牌去抵擋病星入侵,嚟加強自己嘅健康運。