屬蛇嘅朋友喺2020年屬於和順年,和和合合嘅年份,由於受到個粒『小耗』凶星嘅催化,正所謂『小耗奪財,財散人安』。2020年各位蛇仔蛇女,可能會同朋友仔發生不必要的誤會,經常借出之錢財難以歸還,令您哋建立多年嘅感情,出現減退嘅現象,要留意吓啦!
事業方面,屬蛇嘅朋友喺2020年因為有粒『死符』星嘅入侵,令您嘅處事方式立場,令人產生誤解,出現唔少吵鬧場面,應遠離是非之地。幸好有粒『月德』貴神星關照住,而作出協調,從而減少糾紛和誤會。對受薪者嘅您,若然從正途發展,有鼓勵作用,算是:『多勞多得』,得到不錯的正財收益,升職加薪嘅機會自然大大提升啦!
喺財運方面,屬蛇嘅朋友喺2020年因受到『小耗』敗財星嘅影響,您的病患機會多咗,令您在醫療開支上有所增加。偏財方面,由於『死符』耗星入侵原故,小心別人疏忽,令您喺投資上蒙受損失,千祈唔可以借錢比人,就可以啦!
桃花運方面,蛇仔蛇女喺2020年因有粒『破碎』凶星出現,愛侶會容易產生見異思遷之心境。已婚者的您,面對誘惑的時候,您必須要三思而後行,切勿因一時之快追悔莫及,若感情處理失當嘅話,您與愛侶有分手嘅可能。
健康方面,蛇仔蛇女喺2020年因為受到『死符』兇星嘅影響,留意身體健康出現問題,容易被金屬器具所傷,又犯上車船之險,甚至跌傷弄損的意外。故當您進行危險性較高運動嘅時候,要加倍小心,留意被硬物所傷,總之要小心啦!
雖然屬蛇嘅朋友喺2020年,似乎運勢財來財去,爭拗亦多,但並唔係冇化解同埋增旺嘅方法!2020年嘅喜財位喺正西方,可以選擇個良辰吉日放個喜慶財寶箱,喺箱入面擺九個黃元寶同埋黃水晶,將寶箱放喺屋嘅正西方隱閉處以收納財氣,再配帶一個喜慶財神金牌喺身邊,錢財自然會多咗啦!