屬兔嘅朋友,喺2020年屬於暗刑相生年,即係運程表面上會係明失暗得,得到『太陰』同埋『紅鸞』吉星高照,正所謂『鸞陰相照,吉事齊來』。2020年各位兔仔兔女,可以得到人緣、同埋正財貴人星幫手,與及一些長輩嘅提攜,從正途方面發展,將會獲得唔錯嘅收益!屬於先失後得嘅一年。
事業方面,屬兔嘅朋友喺2020年受到『貫索』陷害星的侵害,令您與親友容易產生不和,爭拗亦多,經常您因情緒變化不定,而產生轉換工作環境嘅念頭心情欠佳。好在有粒『太陰』貴人星關照住,您處事態度若能心平氣和,凡事以和為貴,能夠與親友間建立親切和諧關係嘅話,自然可以令事業同埋權力步步高升,取得突破性嘅發展。
喺財運方面,屬兔嘅朋友喺2020年,因為有粒『太陰』星入命, 容易賺取外地之財,所以外遊公幹反而對您嘅財運有好幫助,咁就要勤勤力力啦!由於受到『卒暴』及『三刑』星的影響,您出席無謂嘅喜慶場合,就會多咗花費喺人情上嘅支出,自然就增加啦!
桃花運方面,兔仔兔女喺2020年得到『紅鸞』吉星的拱照,喜事重重,有情人可以終成眷屬。未婚嘅您,會有機會拉埋天窗;已婚嘅您,容易出現添丁宴客的場面,因『三刑』及『天厄』星羣集嘅原故,提防三角關係的糾纏,令您困惱不安!
健康方面,兔仔兔女喺2020年受到『勾神』呢粒兇星嘅攻擊,所以要小心健康!特別留意心血嘅痛症,或者喉嚨氣管呼吸系統嘅病疾;若然真的病情出現而產生變化,起伏不定,最重要是保持身心開朗,實屬有利。
雖然屬兔嘅朋友喺2020年,似乎運程反反覆覆,阻滯不前,但並唔係冇化解方法嘅!留意喺2020年,病符星喺屋嘅正南方,大忌紅、紫、綠三色嘅擺放,千祈唔好喺正南方種植樹木、花草之類,擺個『化病能量葫蘆』嚟減弱D病氣,同埋您袋埋個『正財能量金牌』喺身邊嘅話,財運健康亦會好得多啦。