屬鼠嘅朋友喺2020年屬於本命年，即係刑太歲，是非多。由於呢粒『相刑』凶星入侵，正所謂 『太歲相刑，小人當道』。喺2020年各位鼠仔鼠女，會感覺得小人是非特別多！千祈唔可以做D違法嘅行為，更加唔能夠作出不平則鳴之舉，明白到煩惱皆因強出頭，則可保平安。

　　事業方面，屬鼠嘅朋友喺2020年受到相刑『本命』年星的影響，盡量少Ｄ去人多聚集嘅地方，以免增添煩惱。喺處理日常事務上，千祈唔好胡亂說話。當簽署合約時，更加要小心，以免官非纏身。喺2020年有將星同埋金匱吉星照住，主宰才華嘅發揮，令您嘅創作能力比往年好，思路敏捷，能夠構思出一D獨特橋段，令老闆讚不絕口，升職加薪機會會大大提高。 

　　財運方面，屬鼠嘅朋友喺2020年受到兩粒『劍鋒』同埋『太歲』損財星嘅影響，投資會反反覆覆，奔波勞碌，失財的機會亦大大提升！留意出門越多，對自己的運程反而越不利。大投資可免則免，應該『宜靜不宜動』。 

　　桃花運方面，鼠仔鼠女喺2020年受到『指背』星的影響，出現不少感情上嘅困擾，例如：性格不合或與對方家人相處不來。加以受到『白虎』凶星嘅侵害，小心惹上桃花劫。留意您三心兩意嘅情緒，導致感情爭拗而產生危機！ 

　　健康方面，鼠仔鼠女喺2020年，受到『劍鋒』呢粒兇星嘅攻擊，小心血刃、金屬同埋車船之險，搭車或搭船的時候要特別小心！另外又有一顆『伏屍』凶星入侵，健康會出現倒退嘅現象，多作善事就可以化解啦！ 

　　雖然屬鼠嘅朋友喺2020本命年，似乎運勢欠佳，意外重重，壓力又大，可以作以下布局來化解！2020年嘅是非位喺屋嘅正北方，先要移走正北方所有綠色嘅物品，改用紅色系列嚟佈置，最理想就係加埋一個化是非葫蘆。另外桃花位喺東北方，可以擺黃色鮮花同埋配帶一個月老金牌，愛情就會更加甜甜蜜蜜啦！