屬豬嘅朋友喺2019年屬於本命年，即係刑太歲，是非多。由於呢粒『相刑』凶星入侵，正所謂『太歲相刑，小人當道』，今年各位豬仔豬女會感覺得小人是非特別多！千祈唔可以做違法之行為，更加唔能夠作出不平則鳴之舉。明白到煩惱皆因強出頭，則可保平安。

        事業方面，屬豬嘅朋友今年受到相刑『本命』年星的影響，盡量少Ｄ去人多聚集嘅地方，以免增添煩惱。喺處理日常事務上，千祈唔好胡亂說話，當簽署合約時更加要小心，以免官非纏身。今年有兩粒『解神』同埋『天解』吉星照住，主宰才華發揮嘅，令您嘅創作能力比往年好，思路敏捷，能構思出獨特橋段，令老闆讚不絕口，升職加薪機會會大大提高。 

　　喺財運方面，屬豬嘅朋友因為有兩粒『劍鋒』同埋『太歲』破財星嘅影響，投資會反反覆覆，奔波勞碌，失財的機會亦大大增加。留意出門越多，對自己的運程反而越不利，大投資可免則免，應該『宜靜不宜動』。 

　　豬仔豬女今年桃花運方面，因有粒『浮沉』凶星出現，愛侶會容易產生見異思遷之心境。已婚者的您，面對誘惑的時候，您必須要三思而後行，切勿因一時之快，追悔莫及。若感情處理失當嘅話，有分手嘅可能。 

　　健康方面，豬仔豬女因為有『血刃』呢啲兇星纏繞，您嘅身體會出現好多小毛病，令您患大病嘅機會大大增加，要特別留意腹部同埋腸胃病。若然，呢啲疾病同埋小毛病令您感覺憂慮，咁就應該去拜吓太歲！ 

　　雖然屬豬嘅朋友喺2019年似乎運程容易受傷，意外重重，但並唔係冇化解方法嘅！今年五黃星喺西南方，唔可以喺西南方種植樹木或者動土之類。可以掛一套金線編織成嘅八個『五帝錢』，同時再放多一個搖動發出聲音嘅銅鐘，若能夠配帶一個『化煞金牌』護身，意外自然會少哂啦！