簡介:
|
現年40歲的鄭秀文(Sammi)跟許志安世紀復合後,兩人甜蜜享受二人世界,前日安仔以半個男主人身份造訪女友香閨,親自做柴可夫接送Sammi外出撐枱腳,飯後兩人意猶未盡又拍拖到超市掃即食麵,天后Sammi甘願變身阿四挽住兩袋東西,素顏的她似足師奶仔,兩人直衝愛巢再開餐,被撞破好事的安仔嬲爆黑面!
相士話:今年結婚兼有喜 究竟鄭秀文和許志安幾時修成正果拉埋天窗?堪輿家區仲德更指二人好有機會於農曆九月結婚:「鄭秀文命格屬水,今年有粒天喜星帶夫星入命,有婚嫁之緣,適逢安仔屬羊命格屬土,今年有驛馬星帶財韌又合妻宮,相信今年有機會紅鸞星動,最大機會農曆九月傳出喜訊,可能年尾前秘密註冊,好大機會唔喺香港結婚。」 |