簡介:
|
玄學準測: 名氣最強!S.H.E人氣超旺盛 S.H.E已經掂到不得了,估唔到07年重有得繼續上!區師傅:「佢哋3個命旺桃花,得人鍾意,去到邊都受歡迎。06年Selina多男性朋友追求,有啲可能重比佢年長好多,但喺豬年要避免同男性發生爭拗。Hebe嘅感情運比事業運好得多,下半年會遇到佢鍾意嘅人,把握機會就有機會長久。至於Ella嘅桃花好旺,唔怕冇男仔追,但命中冇夫星,未必會結婚!」
未到頂峰!飛輪海有排紅 07年大把計劃嘅飛輪海,區師傅話4子嘅事業有排先到頂,即係重有排紅啦!
「飛輪海4人嘅運勢係正值成長期,未去到高峰,到2010年先至叫做真正大紅大紫!」(咁佢哋嘅桃花運又點睇?)
「吳尊嘅性格獨斷獨行,拍拍下拖一發現唔對路就會飛人,07年都難搵到個啱心水嘅;Calvin嘅感情運反反覆覆,會有好多霧水情緣;亞綸個人體質虛寒,小心身子,今年運氣非常麻麻,年尾重會破財,坐多啲喺東南位會有幫助。」
07大躍進!Rainie要捉實小美 舊年事業已經非常掂,區師傅話Rainie喺來年會更上一層樓。
「楊丞琳成年都會遇到好多『帶財貴人』,事業發展非常理想,比06年暢順得多。桃花方面,春天有機會搵到個啱心水嘅男仔,但小心喺秋天會出現競爭對手!」春天正值《兌換愛》嘅宣傳期,Rainie再次同賀軍翔朝夕相對,唔知會唔會春心動?係嘅話就要捉實小美,今次咪俾佢走甩喇!
桃花最強!Jolin豬年勁有男人緣 咁多個台星之中,Jolin係最唔需要買桃花嗰個,事關佢喺豬年會有勁多仔追!
「佢命格屬金,桃花連係咁多個之中最強嘅,尤其係上半年大把人爭住要,但如果唔珍惜嘅話,年尾都好易甩拖。」諗番早前Jolin被撞破同彭于晏漫遊英倫,重驚到唔認自己係蔡依林,嗱,咁就唔係幾好喇,行下街都唔敢認,男方好易冇癮架!
搲銀最強!不過冇固定女伴 人氣覆蓋大中華地區嘅183 CLUB,豬年會落力搵真銀。
「紹偉嘅發展最理想,才幹得到發揮,咁多個之中搵錢最多!」(紹偉會歸隊,5566來年會大發圍,好準!咁佢哋嘅桃花運呢?)
「因乜事呢5個人都咁反反覆覆?玉榮最好,下半年有機會遇到真命天子,應該會長久!」成日周圍飛,搵唔到穩定嘅女朋友又難怪嘅! |