簡介:
|
趁住新年流流,本刊專誠請咗著名相士區仲德師傅,喺娛樂圈搵出一班生肖屬虎嘅藝人,以佢哋嘅時辰八字同埋字形推算出今年嘅運程。想知佢哋係味「虎虎」生威定虎(苦)過DD,咁虎仔、虎女你哋仲唔速速現形?!
「虎」風喚雨型 馮德倫 事業:今年貴人特別多,機會一個接一個,宜好好把握。可作多方面發展,拍戲唱歌一樣掂。今年開拓海外市場最為有利,簡直一帆風順。年底頒獎禮大豐收。 愛情:有謂濃眉濃情,正一多情種子,但為免妨礙事業,不要將戀情過分張揚。雖有情有義,還是向地下發展較佳。 財運:財運亨通,一本萬利,今年賺到笑呵呵,但不宜作冒險性投資,儲蓄為妙。 健康:終日奔波勞碌,少不免有病有痛,小心身體。
同「虎」協力型 陳奕迅 事業:有實力,不過人緣無咁好。欣賞佢嘅人仲未出現,今年係播種期,四年後事業先至叫做順利。 愛情:桃花運多。四年後有女性扶助事業,與女性有緣。 財運:今年平平,艱難過後才望有收成。 健康:無大病,不過有小人纏擾,今年是非甚多。
「虎」風喚雨型 楊千嬅 事業:今年人氣繼續急升,獲得更多機會,事業發展令人滿意,七、八月氣勢更強勁,一發不可收拾。 愛情:人緣多,但真姻緣未現,直努力工作。 財運:財運星出現,今年賺錢多過舊年,努力搵錢,收入可觀。 健康:健康較弱,正所謂財多身子弱,好好保重。
同「虎」協力型 徐濠縈 事業:一生有貴人扶持,可惜依賴性強,有嘢就做,無嘢做都唔心急。應該要主動啲喇! 愛情:與男友感情穩定,連帶工作漸見起色。 財運:今年屬有名無利,即係得個做字。睇怕都要問人借錢交稅嘞! 健康:健康運平平,特別要留意十月嘅健康狀況。
花心「虎」型 周星馳 事業:由於貴人多財星又多,事業發展不斷有變,可望有更佳進展。 愛情:一生女人緣甚多,身邊女人亦多,至今仍心多意亂,仲未搵到心目中女神,仍在尋尋覓覓。 財運:上半年較為平淡,財運沒多大進展,反之天有利利物業投資。 健康:健康運平平,但還要加倍留意。
多情「虎」型 鄺美雲 事業:事業受感情牽連,難望有更大發展。 愛情:感情過分浮動,一生受感情所累,屬為情所困型,多加注意,不要再被人所傷。 財運:極之普通,賺得好辛苦。 健康:感情傷害比身體傷害更大,但仍要小心身體。
「虎」海翻波型 楊釆妮 事業:今年有突破,從商更見高峰。 愛情:有第三者出現嘅危機。今年雖與男友發展和睦,奈何夫妻緣薄。忌早婚。 財運:今年福星高照,在投資業上斬獲甚豐。惟早婚對命格影響,在2004年尤其要小心,別在事業和感情上有變動。 健康:小病多,但無大礙。
林志穎 事業:今年事業運大弱,當兵之後未能承接兩年前之大好運勢,所以事業未看好,只會在圈中浮浮沉沉捱世界。 愛情:女性緣多,人緣亦多,惟真命女友仍未出現,等下先啦! 財運:避免參與投資項目,否則損失不菲。 健康:今年健康方面,出現不少病痛,小病而已,但記得病向淺中醫。另外,家中老人家也應注意,出入加倍小心留意,避免跌親撞親。
先「虎」後甜型 劉愷威 事業:雖然有貴人出現,奈何事業欠缺鬥心,今年成績仍是差強人意。 愛情:無事業心之餘愛情亦未見起色。 財運:兩餐無憂。 健康:無心戀戰當然精力充沛。
滕麗明 事業:桃花運多,影響事業。但上半年有貴人出現。 愛情:感情太強,近幾年都在愛海浮沉。廿七歲後有真命天子,不宜早婚。 財運:感情事影響工作,收入不多。 健康:投入感情,傷心又傷神。 |