風水命理開運專家

		報章名稱：蘋果日報刊登日期：2013年5月29日文章主題：張震遠憑面相睇有冇錢

　　商交所爆煲又捲入假文件案，主席兼「首席梁粉」張震遠頓成城中熱話人物，仲被人翻舊賬，唔計進入首階段除牌程序嘅泰山石化（1192）外，佢早於九十年代任英國富地石油CEO時已搞垮公司。究竟係公司黑仔，還是佢嘅面相唔適宜做管理同創業呢？

　　區仲德師傅就憑面相睇張震遠有冇錢，指佢印堂凹咗，兩塊面珠冇肉，唔算有錢面相。雖然話鼻主財星，張有個豬膽鼻，似乎係好，但佢山根位凹，事業發展唔順，加上顴骨冇肉，冇乜貴人。簡言之都係五行欠水。

　　再八卦啲問吓，睇唔睇到張震遠會否遇上牢獄之災? 區仲德就話要睇氣息，即係講唔到。查實風水面相都係八卦吓，留意警方同證監會有乜行動仲實際，張震遠噚日冇返數碼港商交所寫字樓，唔知去咗邊度謀對策呢？