區仲德博士談黃翠如命中添丁格局  -- 東周刊

       現年三十八歲的黃翠如與四十三歲的蕭正楠，結婚兩年，生仔變成萬眾期待的事，但搞足兩年一直未有聲氣，令人擔心他們的生育計劃。事實上，蕭正楠恨做老竇恨到發燒，加上雙方父母都恨抱孫，而黃翠如本身亦不想做高齡產婦，於是近來積極求助坊間兩招谷Ｂ大法。除了到醫學美容中心進行中醫針灸通卵巢助孕的療程之餘，自己又勤做「岩盤瑜伽」暖宮調理身子，希望盡快造人成功，為蕭家開枝散葉！

　　玄學家區仲德博士指，現年三十八歲的黃翠如及四十三歲的蕭正楠，命中應有兩女一子，而未來三年，則最有機會「搞出人命」。區博士表示，兩人命中華蓋星及紅艷煞俱旺，屬老來添丁格局。再觀蕭正楠命中子女星皆全，應有兩女一子。要好好把握明年牛年的『牛郎配織女』添丁之期。生仔會具演藝細胞、勤奮、好學，係一位明日之星。至於生女就會琴棋書畫樣樣皆精，亦有緣選美，仲攞到獎添！