風水命理開運專家

		報章名稱：新Monday 刊登日期：2002年04月19日文章主題：霆鋒廣告如期出街

　　霆鋒呢期是非纏身，好多報道都不盡不實話佢人氣跌、事業受阻，譁眾取寵擾亂視聽。其實霆鋒嚟緊嘅工作唔單止排到密麻麻，連外間盛傳無限期押後嘅可口可樂新一輯大陸廣告亦都正式喺上海推出。

區仲德相士講霆鋒
　　「霆鋒生肖屬猴命格屬木，今年係會比較多是非，特別係農曆四月前，運程會比較差，做各方面嘅事都比較多阻滯，而去到六月之後運程就會好轉。」

　　財運方面，是年見財化水，表面風光而且容易招致破財，想改善可於房間或公司東面放一盆植物，可增加財運。

　　事業方面，雖然今年屬猴嘅朋友埋頭苦幹，但都得不到明顯回報，要等待下半年貴人出現。

　　感情方面，今年好事多磨，開口吵鬧，感情多摩擦，可嘗試喺屋企西南面放一塊石頭，或戴任何石製之飾物。

　　健康方面，本年度要小心肺和喉嚨氣管問題，想增加健康運，可在房間西南面擺放石頭增加運氣。