風水命理開運專家

		報章名稱：新Monday 刊登日期：2002年01月11日文章主題：張柏芝飛車後遺症

　　上星期五柏芝為仁濟籌款喺將軍澳工業邨表演飛車發生意外，導致胸椎碎裂入住醫院。柏芝因此損失慘重，唔單止要停止所有工作卧床休養三個月，重可能因為脊椎受傷引起嘅後遺症而影響日後正常生活。今次柏芝為咗做善事因小失大，若果康復時期唔小心休養，分分鐘半身癱瘓影響終身幸福。

風水學家區仲德：
年中手腳再有損傷
　　柏芝80年出世屬猴，今年踏入是非爭拗年，加上柏芝新屋西南方有災星，兼周圍長滿樹木，形成一個金木相剋嘅格局，故今年要承受一個災劫運，而且重有廿多日才捱完。至於來年，區仲德師傅表示舊曆五、六月，柏芝會有是非劫，工作、金錢方面會有摩擦。而七、八月手腳方面會有另一大劫，其弟張浩龍亦會過上是非劫，會惹上官非，最好小心自己言行。