風水命理開運專家

		報章名稱：新Monday 刊登日期：2006年04月28日文章主題：八字估世界盃冠軍

　　《新Monday》世盃特輯第1炮，用玄學認用最準確嘅方法，即係用各國教練、主力球員條命！

　　係呀，由條命，用佢哋出生日期俾玄學家區仲德師傅用最準確嘅八字算命方法，算下佢哋喺世盃期間嘅命運！

　　參與推算嘅玄學家區仲德師傅話，呢個方法算係最準確嘅！

　　結果顯示，32強最有運行嘅4強係葡萄牙、德國、意大利同巴西，總決賽就會係巴西對葡萄牙！英格蘭同阿根廷就係呢4強之後嘅次佳球隊！

最強冠軍！巴西
主力球員：朗拿甸奴　　出生日期：1980年3月21日
教練：彭利拿　　　　　出生日期：1943年2月27日
　　「朗拿甸奴嘅命格屬水，農曆2月出世，生肖屬猴，今年係火土年，令佢有財旺生殺出現，代衣佢嘅權力、名望、鬥心都很強。加上驛馬文昌同位，會令佢高高在上，去到農曆5-6月，便會出現食神生財，可以將佢嘅智慧推上最高峰。另外，教練彭利拿生肖屬羊，火土同樣都夠旺，對朗拿甸奴嘅財運同名利好有幫助。」

　　其實唔使算命都知巴西大熱，而且加上細哨有運行，區仲德師傅話，8強4強冇問題，冠軍就要問過葡萄牙先得！

睇實黑馬！葡萄牙
主力球員：費高　　出生日期：1972年11月4日
教練：史高拉利　　出生日期：1948年11月9日
　　「費高概命格屬陰土，農曆9月出世，生肖屬鼠，今年有天解星照護，所以萬事皆吉，加上傷宮配印，秀出群英，有突然殺出之勢，喺農曆5-6月（世盃期間），會有官星運，出現官印相生，有望得到名望。而教練史高拉利生肖同樣屬鼠，有貴人星照護，有利費高。」

　　冒起嘅C‧朗拿度加老馬有火嘅費高，再配合有運行嘅領隊，區仲德師傳話葡國必入4強，發揮水準重入埋決賽添！

主辦行運！德國
主力球員：波歷克　　出生日期：1976年9月26日
教練：奇連士文　　　出生日期：1964年7月30日
　　「波歷克嘅命格屬金，農曆8月出世，生肖屬龍，今年有火較多，代表鬥心重；今年火土重，土代表有貴人出現，同時會有殺印雙生啜出現，會有功名顯達，威名震世嘅跡象。咻農曆5-6月期間，木火較重，會出現歲駕吉星，功名有望，教練奇連士文一樣都係屬龍，同波歷克好夾，所以對佢表現好有幫助。」

　　世盃前，波歷克有喪大決心離開德國效力車路士，已經表現出鬥心重，而奇連士文亦有運行，4強首選！

威震四方！意大利
主力球員：保方　　出生日期：1978年1月28日
教練：納比　　　　出生日期：1948年4月12日
　　「保方嘅命格屬陽金，農曆12月出世，生肖屬蛇，今年有紫微星照護，可望得到名譽，今年七殺星得位，陽刃駕殺，有威震四方，威名震勢之象。農曆5-6月，財運，事業、名譽只係開始起步，不過配合木火較多嘅教練納比（木代表名，火代表財），會有助正在起步嘅運勢。」

　　近年喺大型賽事失準嘅意大利，無以上推算，4強絕有運行！尤其每屆決賽都行黑仔運嘅保方今年行正好運，好好把握呀！

4強止步！英格蘭
主力球員：碧咸　　出生日期：1975年5月2日
教練：艾歷臣　　　出生日期：1948年2月5日
　　「碧咸嘅命格屬戌土，農曆3月出世，生肖屬兔，命格起木火，而農曆5月係木火重嘅月份，所以運氣唔錯，不過佢今年犯咗死符小耗星，所以事業唔太順利。而教練艾歷臣屬豬命格金水較重，所以未能助旺到碧咸，未必有機會入到4強。」

　　碧咸逢決賽過都會患上「神經緊張病」，雖然有運行，都要配合其他隊員運勢，所以區仲德師傅話8強應該冇問題，想入4強就要有超水準表現！

8強最盡！阿根廷
主力球員：列基美　　出生日期：1978年6月24日
教練：比格文　　　　出生日期：1949年9月3日
　　「列基美嘅命格屬陰火，農曆5月出世，肖屬馬，命格火土旺，加上今年係火土年會有表現星照護，另將星得位，可以揚威方，5月係木火重嘅月份，官星唔係太強所以未必有能力入到4強。不過教練比格文命格金水較多，都可以助旺到列基美，喺農曆5月嘅運勢都唔錯，所以要兩人互相配合，先帶俾到阿根廷好運！」

　　列基美今季咁fit，要入4強就要有水準以上水準，比格文記住列佢入，正選呀！