風水命理開運專家

		報章名稱：太陽報刊登日期：2003年04月08日文章主題：張國榮遊魂寄附昆蟲身

　　張國榮今白出殯，估計會吸引逾二千名歌迷和親友到場致祭。有傳哥哥的摯愛唐鶴德擔任「持相人」。事實上，哥哥家人早已認同唐唐的身份，所以其身份即等同「未亡人」，不過著名風水名理學家區仲德師傅表示，傳統習俗上，未亡人卻不會持相，他接受電話訪問時說：「未亡人唔會做呢樣嘢（持相），只係會靜靜坐埋一邊睇儀式；最後搵後輩，長子嫡孫或有親戚關係的人，好似姪仔去做（點解？）因為傳統習俗上，未亡人做呢樣嘢會相沖，有可能會喺一百日內遇上災厄，變成『蝴蝶雙飛』。」然而唐唐毫不忌諱，仍會抱著摯愛的哥哥相片，送他最後一程，所以現時常陪伴唐唐身邊的好友，則應該要更加特別照顧唐唐。

遊魂寄附昆蟲身
　　昨日是哥哥的「頭七」，區師傅說：「死去嘅七日內係遊魂野鬼，牛頭馬面唔會認得佢，因為仲未做『登記』，要死去七日後先做，而喺『頭七』嗰日，佢家人擺一對白蠟燭喺哥哥家人想哥哥去嘅地方。另外，頭七嗰日要點著一支長壽香，如果喺屋企擺白蠟燭，就要先將神佛用紅紙封住，因為驚神佛唔畀佢入嚟。祭品方面，區師傅續說：「應擺放哥哥生前最愛嘅食物，如果家人想知先人有冇嚟，可以喺地下灑白色粉末。另外，係睇吓有冇昆蟲飛返嚟，因為先人有可能寄附喺昆蟲身。」