風水命理開運專家

		報章名稱：太陽報刊登日期：2002年10月17日文章主題：1016娛樂圈大吉日

　　昨日獲輕判240小時社會服務令的謝霆鋒，可以說是不幸中之大幸。而昨日對霆鋒來說，更是他的大吉日。據堪輿學家區仲德師傅表示：「尋日雖然係危日，但呢個危唔代表危險，而係危危百事成！正代表大吉日，而尋日屬丁巳日，火好旺，強火又能制金，所以一定可以化解今場官非，霆鋒喺十月中就會乜事都冇晒！」

　　而於上半年成績一般，盛傳在演唱會「咪嘴」的陳慧琳，昨日同樣宣布獲得十大傑青的喜訊，並領取獎項。區師傅說：「佢嘅命格金水好重，尋日又行到火金運，有火、金兩粒貴人星扶持，所以一定有名有利！」

華仔或公布喜訊
　　昨日的「危日」，連帶其他藝人亦在這吉日衝出厄運！幾年債務纏身的鍾鎮濤亦如願以償，成功破產！其實阿B在申請破產前，已作好心理準備，揚言會積極面對。四年後，阿B欠債的日子亦會成為過去，所以對他來說，破產絕對是個好消息！區師傅說：「阿B命格屬水，呢個月嘅金咁重，對佢嚟講屬相沖，形成財運差，咁啱又有官司喺身，咁當然要破產！」

　　而同樣受官司困擾的劉德華，據知早前已跟麥紹棠私下和解，並會於今日公布喜訊，區仲德師傅說：「華仔今個月嘅運程好好，官非一定煩唔到佢，佢一定搞得掂！」