風水命理開運專家

		報章名稱：新Monday 刊登日期：2005年03月04日文章主題：05樂壇撐好新丁

　　就算話翻版、MP3點樣銷毀樂壇，市道有幾唔好，但係每年都總有唔少新人登場，等住上位。踏入雞年未夠1個月，各大唱片公司已經計劃好晒，紛紛派新人嚟爭「新人王」呢個寶座，既然大家都咁心急想睇清楚呢班人有幾勁，我哋當然要搶先一步喺度率先披露部分05上場嘅新人，亦都搵嚟堪輿學家區仲德師傅，根據面相及名字測算，幫呢班生力軍推測究竟邊個係今年嘅「新人王」！

「型男索女」組周柏豪聲名旺盛
　　所謂「型男索女」，就係以個人名義闖入樂壇，又唱得又睇得嘅一班男女獨立歌手。

周柏豪
　　區仲德師傅：「上半年會辛苦啲，不過7月開始財運會唔錯，9月會平穩啲，年尾個聲名都會幾好，重應該有獎攞添。」

走紅指數：●●●●○（5●為最高分數）

王琪
　　區仲德師傅：「男兒就口大食四方，但係佢個口比較細，所以喺唱歌方面初期會比較平穩啲，如果想改善嘅話，喺正西位放張自己嘅相啦！」

走紅指數：●●●●○

郭芯其
　　區仲德師傅：「今年佢行緊偏財運，比較浮動啲，到10至11月聲名幾好，工作會特別理想。」

走紅指數●●●●

謝安琪
　　區仲德師傅：「佢個額骨幾出，所以喺樂壇嘅發展都會唔錯，夏天打後會幾搵到錢，到年尾一直都會幾好。」

走紅指數●●●○

「分拆上市」組關智賦走勢凌厲
　　分拆上市嘅組別，顧名思義即係曾經以樂隊或者組合形式出碟，但係而家同partner分開發展嘅一個組別。

關智賦
　　區仲德師傅：「佢個命格係貴人帶錢，7至8月係最好，而且年尾走勢凌厲。」

走紅指數：●●●●●

梁靖琪
　　區仲德師傅：「今年但運勢一般，都算搵到錢，佢最好運係5至6月，如果嗰段時候有頒獎禮，佢一定有份攞獎，但係年尾就麻麻，不過成年就會好忙。」

走紅指數：●●●○

廖雋嘉
　　區仲德師傅：「今年佢行緊一個發揮運，7至8月會好忙，而年尾先會搵到錢，但係要喺頒獎禮攞到好成續就難少少。」

走紅指數：●●●

Baby Q紅遍東南亞「人氣組合」組
　　話到明係「人氣組合」嘅組別，都知道無論係樂隊抑或組合，都會歸納喺呢度啦！

Baby Q
　　區仲德師傅：「整體嚟講佢哋5個都行緊大運，7至8月開始最好，而且因為有驛馬星嘅關係，有機會紅遍整個東南亞。」

走紅指數：●●●●

哈痞
　　區仲德師傅：「喺4月嚟講佢哋嘅運勢會好啲，亦都，會做show賺唔少錢，正式出名就要等到9月，整體嚟講運勢平平。」

走紅指數：●●●

「撈過界」組周麗淇年尾攞硬獎

　　「撈過界」組嘅新人，即係喺未出碟之前，曾經喺娛樂圈有過其他發展，譬如拍劇或者拍電影等，而家重入埋樂壇，重唔係撈過界？

林苑
　　區仲德師傅：「佢呢個叫仰月相，睇佢個樣，唱歌應該唔錯，大約喺秋天運勢會轉強，所以唔使太心急。」

走紅指數：●●●○

郭力行
　　區仲德師傅：「今年佢有個聲旺大將星，名望會好勁·4月開始會特別理想，不過佢唔易發達，要多勞多得。」

走紅指數：●●●○

周麗淇
　　區仲德師傅：「佢今年好搵到錢，而助桃花帶官聲，有名望又有男貴人相助，桃花亦都代表觀眾緣，所以佢今年會好受歡迎，而且年尾攞硬獎。」

走紅指數：●●●●○