風水命理開運專家

>> 流年 >> 2010年虎年準批娛圈大劫數 >> 2010年虎年準批娛圈大劫數

		雜誌名稱：新Monday 刊登日期：2010年2月8日文章主題：2010年虎年準批娛圈大劫數

Sammi翻撻舊愛閃電結婚

　　區仲德：「鄭秀文生肖屬鼠，2010驛馬帶夫星，舊愛可重燃。不過仍然處於離合嘅階段，要做第三者，2010到11月年都有機會結婚，而且係閃電式進行！而許志安喺虎年嘅感情比較反覆，有機會因為Sammi同現任女友分開。不過安仔同Sammi都有財運，Sammi有異地財，安仔上半多演出，賺錢多，下半年多外地工作機會，同Sammi見面時間少。」

亞洲爆桃色醜聞女

　　區仲德：「虎年冇個桃花星相沖，娛樂圈會出現好多醜聞，姓名上有金有木嘅歌星，形象會受損，尤其喺春天及夏天，好多亞洲名人會紛紛爆出桃色醜聞，唔止香港、日本、韓國都會有很多藝人婚外情嘅新聞傳出，而屬馬、狗、虎嘅明星最受影響。」

木、金姓名歌手逝世

　　區仲德：「喺虎年，西南位同埋東北位分別會有大小災難發生，藝人若到四川、印度、北海道同韓國工作，就要格外留神。農曆7月同8月則最差，流年太歲相沖，屬猴、蛇、虎、豬嘅人要注意出意外，姓氏筆畫係 4、7、11、14嘅特別危險，尤其姓名上有會有木口嘅歌星，好大機會會大嚴重車禍而逝世！而口代表金，所以名字上有個口字嘅同樣要小心。」

　　區仲德表示，謝安琪喺虎年易招第三者，張繼聰要慎防兼且忍讓是非，兩人或會因感情問題而影響家庭，更有分手危機。

　　區仲德表示，周秀娜今年事業運欠佳，秋冬時最差，而且感情易起變化，有富豪追求嘅機會好大，但男朋友要慎防第三者喇。