今年多名人仙逝內有玄機？ -- 頭條日報
今年辭世嘅名人特別多，饒宗頤、劉以鬯、高錕、岳華、鄒文懷同埋最近嘅金庸，究竟係巧合定係背後有玄機呢？風水命理師區仲德博士說，今年係戊戌年，農曆九月又係戌月，會出現俗稱「火山爆發」嘅情況，而「木」便首當其衝，因此多文人去世。
區博士指，今年係戊戌年，五行中嘅火、土都極旺，尤其農曆九月適逢戌月，屬狗，兩戌相遇正如兩狗相鬥，會出現俗稱「火山爆發」嘅情況，導致「土」更旺，然而土剋水，土多埋金，土多火晦，土多木折，因此不論屬金、木、水、火嘅人，到九月運氣都會有所損耗，係正常嘅劫數。而且戌月土茂，人瘁逝嘅機會增加，故多人去世。
然而，今年尤多文人學者辭世，包括國學大師饒宗頤、著名作家劉以鬯、「光纖之父」前中大校長高錕、武俠小說泰斗金庸，又是否早有命理？區博士話文人屬教育行業，教育喺五行中屬木，「火山爆發」樹木便首當其衝，即使堅挺如「百年樹人」，都容易折斷，所以咁多年紀老邁嘅名人喺今年仙逝。
咁呢個情況會急轉直下定係另有轉機？區博士表示，否極泰來，變化便會迎來新環境，雖然短時間內未有轉機，但二〇二二年係水土年、虎年，端木，到時相信會有好嘅收穫，尤其是文化界可以大放異彩，大家可以期待一下。
相關文章內容，請到以下網頁連結：http://hd.stheadline.com/news/columns/0/20181103/714318/
