風水命理開運專家

>> 新Monday >> 柏芝繼續住凶宅註定冇仔吼 >> 柏芝繼續住凶宅註定冇仔吼

		雜誌名稱：新Monday 刊登日期：2002年8月2日文章主題：柏芝繼續住凶宅註定冇仔吼

　　近日栢芝忙於喺新唱片做宣傳，早前更專程由內地返港為Pacino Wan行catwalk，栢芝除咗夠老友之外，背後亦睇得出栢芝對工作幾咁重視，似乎真係想以工作，令到自己忘記感情上嘅創傷。其實栢芝咁做絕對正常不過，因為有玄學家區仲德師傅表示，未來數年栢芝嘅感情一片空白，幾乎係冇仔吼嗰一種。

一切皆因凶宅而起
　　據玄學家區仲德師傅表示，由於栢芝命格屬「火」，而今年係「水火相沖年」，所以栢芝今年都會是非纏身，再加上所住嘅係「三殺凶宅」，相信今年栢芝一定會繼續煩落去。感情方面亦都一樣，區仲德師傅話：「佢今年嘅感情會係一片空白，明年年初會有愛情運，不過係假桃花，唔會長久，真嘅最快都要喺6至7年後先會出現，所以佢專注事業係啱嘅。」

2004有運行
　　雖然愛情失意，但係事業會得意。區仲德師傅話：「呢兩年佢嘅事業都會麻麻哋，但係都得繼續有發展，大運則會喺2004年，因為嗰年財運、貴人運都會出晒嚟，絕對會係名成利就。」

　　問番栢芝方面對此冇乜回應，但經理人公司發言人表示：「現時栢芝正忙於拍戲同做宣傳，所以其他事唔係咁方便回應。」

栢芝再有「血光之災」
　　當栢芝去年購入新屋時，區仲德師傅曾批栢芝呢間屋陰氣極重，不過卻對做娛樂事業嘅佢有幫助，佢當時更批栢芝會有「血光之災」，估吾到兩多月後就發生炒車事件，佢更批今年栢芝會有另一次災劫。「栢芝喺農曆9月前係有機會再有一次血光之災，所以佢應該留意一下，唔好亂做嘢。」