風水命理開運專家

		報章名稱：新Monday 刊登日期：2005年12月16日文章主題：噴血拋胸引黎明

出年10月分手高危期
　　玄學家區仲德師傅根據黎明及樂基兒出生日期計算後表示，66年出生，屬木嘅黎明，今年（雞年）係佢嘅桃花年，但佢嘅桃花帶劫，佢今年會用好多錢喺女人身上，去到出年農曆9月，感情上會有衝擊，可能會出現另1個女人。預計佢嘅真正姻緣會喺2009年先至出現，喺2009年之後會沖夫妻宮，即係佢喺2009年之後先會有機會結婚。

　　80年出生，屬猴嘅樂基兒，今年木、火較多，正好補充到黎明嘅不足，所以令黎明對佢嘅情義重啲；而樂基兒今年嘅桃花帶財，即係佢今年會識到啲有錢嘅男人。樂基兒本身桃花重，今年更出現桃花刑桃花，亦會令佢識到有錢男人，到2006年，桃花會弱番啲，喺農曆9月亦有感情衝擊。由於出年農曆9月（新曆10月）兩人都有感情衝擊，絕對係分手嘅高危時期。