風水命理開運專家

		報章名稱：新Monday 刊登日期：2002年05月24日文章主題：Sammi暑假見鬼

玄學家區仲德：
「Sammi鬼節冇運行！」

　　Sammi首次參演鬼片，如無意外將會喺今年鬼節農曆七月上映，到底Sammi改戲路有冇運行？《我左眼見到鬼》嘅票房又會唔會大收？

　　玄學家區仲德師傅就唔係咁睇好噃！「鄭秀文屬鼠，命格屬水，份人嘅鬥心好強，其實啲比較硬朗個性嘅角色就比較適合但做。今次參演靈片，佢本人應該都唔怕見到污糟嘢，因為佢嘅陽氣盛，邪靈都好難會上到佢身。至於套戲嘅票房如何，就要睇佢幾時上映。

　　Sammi今年上半年命格比較弱，不過過咗農曆三月就會有好轉，但係到咗七月即係鬼節又會下降，錢財同名譽運都比較弱，換言之呢套戲嘅票房應該唔會太好。我建議將套戲擺喺農曆五、六月上畫，各方面嘅成績都會比較好啲。」