風水命理開運專家

>> 風水 >> 玄眼尋機：2013年月刊6月份 >> 玄眼尋機副刊 (P.17及P.18)

		月刊名稱：玄眼尋機刊登日期：2013年6月30日文章主題：玄眼尋機副刊 (P.17及P.18)

副刊 (P.17)

痣靈玄機有樣睇

　　區仲德師傅表示，正所謂「面無好痣」的而且確，對於貪靚嘅人嚟講，無端端多粒痣，始終有礙觀瞻，喺相學上，亦係壞多於好。痣分為兩種，如果色澤紅潤似有生機，則為好痣；反之呈深啡色、黑色等，基本上都唔慌好嘢，而分布喺唔同位置，亦代表唔同嘅影響。

耳：耳殼外圍及耳骨位置有痣，代表聰明，出身好，且勤奮努力，必有成就。耳珠有痣，為富貴之格，為人孝順聽話。
代表：蔡卓妍

額：印堂（兩眉之間）有赤痣，屬貴格之人，成世好運；相反如黑痣，則運程受阻，頭頭碰著黑。而額上其他位置有痣，則絕非好事，極可能剋住父母。
代表：薜家燕

鼻：鼻樑上有痣，一生運程阻滯，多災多難，尤其對財運影響最大；如果生正鼻頭，更易有刀傷之災，仲會剋住另一半及子女。如人中有痣，代表異性緣旺盛，不過嚟親無好嘢，而且中年後更會剋住子女。
代表：祥嫂

唇：痣喺正唇內，小心口舌之災，如喺唇角（八婆墨），則更加是非纏身。如果生喺嘴嘅周圍，財來財去，搵到剩唔到。如困喺嘴下凹位，則是好酒好色之人，小心酒色累事。
代表：羅嘉良

下巴：下巴有痣，無乜機會置業，晚年景況麻麻；如生喺下巴左右，成日為工作煩惱，且易犯水險。
代表：張燊悅

眉：眉毛內有痣，稱「禾稈蓋珍珠」，代表富貴長壽，左眉主財、右眉主壽。相反生於眉毛下、雙目對上的黑痣，則一生困窮，隨時餓死老婆瘟臭屋。
代表：張栢芝

眼：如在眼白內有痣，非好即盜，易惹官非。眼尾有痣，則常與賊為朋，易受牽連。如生在眼下，常稱「淚痣」，成世人愁苦孤寂，晚年尤其多病。
代表：何超瓊

顴：顴骨位生痣，權力受制，成世俾人騎住，而且財運反覆，左手嚟右手去。
代表：陳慧琳

頸：頸上有痣，大富大貴格，而且容易握權在手。如喉骨位置有痣，更加係貴人格，成世夠運，衣食無憂。
代表：陳冠希

副刊 (P.18)

相士話：婆媳命格相冲

　　狄波拉與張栢芝的婆媳關係陰晴不定，早於鋒芝拍拖時，拉姑不喜歡栢芝，06年兒子秘密結婚，拉姑氣得在電台訪問中稱自己只做媽咪，不做奶奶。08年爆發淫照事件，拉姑被追訪至精神崩潰。不過去年Quintus出世，兩人關係緩和，去年10月拉姑59歲大壽時，謝家一片喜氣洋洋。

　　惜好景不常，最近又有傳婆媳關係告急。究竟拉姑和栢芝是否命格相冲？相士區仲德博士說：「拉姑命格屬金，火土較重，需要水，水代表子女星；栢芝屬火，命格火金重，同樣要水，但水代表夫星。因此佢哋同時爭水，啱啱流年缺水，所以兩個特別多衝突、麻煩。」