風水命理開運專家

>> 新Monday >> 法國球星老婆旺夫Win硬 >> 法國球星老婆旺夫Win硬

		報章名稱：新Monday 刊登日期：2004年06月18日文章主題：法國球星老婆旺夫Win硬

　　歐洲國家杯晚晚都踢到火紅火綠，當然隊波都有輸有贏，雖然輸波就唔可以賴硬，但我哋不妨從啲隊員身邊最親密嗰老婆埋手，搵相士區仲德師傅睇下佢哋剋夫定旺夫，佢哋分分鐘可以左右大局，睇完之後，試下可唔可以喺馬會賺番啲零用。

法國運都贏埋
　　「今年咁多隊之中，以法國嘅運勢最強，金木興旺，數理對法國嘅國運非常有利，加上佢哋主場波衫係藍屬水，可以同金木產生中和作用，而作客白色屬金，下半年就最旺，所以今年好大機會係冠軍。」

1 最旺夫
施丹靠老婆

　　「條眉應該係畫出嚟嘅，個人運氣會弱少少，眼大做事容易衝動，容易影響另一半嘅情緒。不過佢鼻大且有肉，有助丈夫事業，重會愈嚟愈旺添！但下唇厚過上唇，錢財運就弱啲。」

第1場賽果　法國贏
旺夫指數　 ●●●●●

雲佬老婆射住
　　「鼻大有肉，對丈夫事業非常有幫助，加上面相比較圓，個人較樂觀，同佢一齊嘅男人，煩惱相對比較少，可以專心喺事業上發展。而且眉淡代表唔注重金錢，娶到佢真係百利而無一害。」

第1場賽果　荷蘭贏
旺夫指數　 ●●●●○

維多利亞旺場
　　「佢眉心闊，個人應該幾大方，鼻就代表夫運，所以生得靚唔靚，好影響老公喺事業上嘅運勢。佢個鼻生得幾直，鼻翼養肉，屬旺夫之相，但面部比較尖，容易發生唔開心嘅事。不過，只要係短暫嘅事，對佢老公嘅影響都唔會大。」

第1場賽果　英格蘭輸
旺夫指數　 ●●●○

2 冇影響
魯爾老婆無補於事

　　「鼻翼厚肉、鼻頭有肉都屬於旺夫相，不過佢對眼生得唔夠正，眉都唔夠清，所以對運勢有少少影響。唔算叫做旺夫相，只可以叫做助夫相，即係老公掂就會再掂啲，但就唔會帶旺個老公。」

第1場賽果　西班牙贏
旺夫指數　 ●●○

波歷克冇影響
　　「眼比較深，代表思想比較複雜，鼻細要老公好有權力，鍾意求取名利，經常會話自己老公呢樣唔好嗰樣唔好，搞到丈夫好大壓力。但因為呢個原因，可以幫助丈夫取得名望。」

第1場賽果　德國和
旺夫指數　 ●●○

3 最剋夫
迪比亞路被剋死

　　「金童老婆條眉向下彎代表怕事，眼細即係唔得大方，加上鼻頭有肉，未能夠旺到丈夫事業，上唇薄，付出感情比較少，成個相都唔旺丈夫，反而重有啲負面影響。」

第1場賽果　意大利和
旺夫指數　 ●

費高冇運行
　　「眉低壓住雙眼，條命會幾辛苦，加上鼻高易衝動，眼神又重桃花，上唇比下唇厚，都屬於重桃花，容易有第三者，易影響丈夫心情，屬於剋夫相。」

第1場賽果　葡萄牙輸
旺夫指數　 ●