風水命理開運專家

		報章名稱：忽然1周刊登日期：2004年01月23日文章主題：新春打麻雀贏錢攻防

　　春節放咁多日假，最大娛樂當然是打廳雀、玩啤牌，派便發吓新年財，想大殺三方贏到笑，咁就要做吓手腳。區仲德師傅表示，除咗睇吓你自己有冇財運之外，坐啱財位，再著埋「利是」衫，自然豬籠入水。

財氣斷法靠自己
　　正所謂一命二運三風水，冇咁嘅運，搞風水都是助力有限。想知自己有冇財氣，最好晨早起牀後，照一照鏡，睇睇自己以下4個部位氣息，亦同時睇睇麻雀腳的氣息，互相比較，才決定是否落重本。

1. 印堂：
　即兩眉之間位置。這個位置代表命運的起伏，如果財神到位，會明亮光澤，帶紅潤則正財橫財一齊來。相反如衰神到位，則會呈烏黑暗啞，是退財之兆。

2. 淚堂：
　即眼下眼袋位置，如果色澤明亮潤澤，表示精神飽滿，處事鎮定，財運佳，贏錢贏得夠淡定。

3. 天庭：
　即整個額頭位置，主要看願望是否可達成，光亮紅潤，表示思想清晰，行動有序，自己易得財，若呈暗黑，贏咗都入唔到袋。

4. 鼻頭：
　呈光亮、帶黃色，皆主得財。但有面油而發亮則不算，乃屬虛財，入不到袋。如果甩皮、有瘡、見血紅色、淡白色或黑瘀色，則最好不要賭，不然逢賭必輸。

打牌必贏財位衣著

	財位	破財位	利著顏色
初一：	正東、東北	正西、西南、正北	金、藍、灰、黑、紅
初二：	正東、東北	正南、正西	黃、啡、金、白
初三：	正南、正東	正北、東北	青、綠、紅、紫
初四：	正南、正東	正北、西北	紅、紫、藍、灰、黑、銀
初五：	東南、西南	正東、正北	青、綠、啡、黃、橙
初六：	東南、正北	西北、正南	青、綠、紫、紅
初七：	正面、西南	正東、西北、東北	紅、紫、啡、黃、金
初八：	正西、西南	正東、正北	金、白、紅、紫、青
初九：	正北、西北	正南、東南	黃、啡、金、白
初十：	正北、東南	正西、東北	藍、灰、金、銀、黃、啡
十一：	正東、西南	正西、西北	黃、啡、金、銀、紅、紫
十二：	東南、正南	東北、正東	金、銀、藍、灰、黑
十三：	正南、正東	正北、東南	青、綠、藍、灰、黑
十四：	正南、東南	正西、西北	黃、啡、藍、灰、黑、金、白、銀
十五：	東南、東北	西北、正南	青、綠、紅、紫、橙
十六：	東南、東北	正北、正西	藍、灰、黑、青、綠、紅、紫

開工吉日
　　開工揀啱好時辰，來年做事都會順暢啲，如未正式上班，只需回公司打吓電話、開吓電腦一樣得。

初三：沖猴，吉時早上9:00至下午1:00
初四：沖雞，吉時早上9:00至下午1:00
　　　沖豬，吉時早上11:00至下午1:00
　　　沖虎，吉時早上9:00至下午1:00