風水命理開運專家

		報章名稱：壹本便利刊登日期：2001年10月10日文章主題：拉登下月大限到

面相：布殊食硬拉登
布殊11月捉到拉登
　　「布殊耳大顯示佢大膽，而眼深代表佢深思細密，加上佢鼻樑高代表有鬥心，所以佢追到天腳底都要捉到拉登。此外佢今年55歲行權力運，所以有好多盟友相助！不過佢命格屬金缺水，因此要到農曆10月屬水月份（即西曆11月15日後）先可以捉到拉登！」

拉登中年死於非命
　　「拉登鼻頭尖，上唇薄，顯示佢做事不擇手段兼冷血無情，另外佢眼珠微突，代表佢為人性格衝動，而呢種人好易死於非命！此外佢生命線中間斷開，顯示佢中年（拉登今年44歲）會有暴斃之險！」

開戰時辰：時辰有利打勝仗
開戰時間──美國時間10月7日 10:27am
　　「10月7日屬水日，所以合晒布殊缺水命格，加上開戰時辰接近午時，而呢段時間屬火，而火旺炮火、戰事。因此我推斷美國一個月內必勝無疑！」

國家地運：年尾平息干戈
　　「今年係『火金燒土年』，象徵多山多沙漠嘅國家（如阿富汗）會爆發戰爭，但由於年尾『火金』減弱，代表到時可平息干戈！」

總結：
　　「由於搵唔到拉登嘅時辰八字，所以好難100%推算佢會唔會被補，但係從以上三方面分析，相信佢下月大限已到！不過如果佢逃過此劫，可能要到明年秋天先有機會捉到佢！」