風水命理開運專家

		報章名稱：壹本便利刊登日期：1996年06月13日文章主題：十二生肖搵食大全

　　吃什麼，喝什麼當然由自己決定，之不過閣下屬於何等生肖也有所謂食的藝術，吃得「對糊」原來也有助運程云云；信不信由你，太認真就盏自己辛苦，反而得啖笑就食得更開胃。

解話：原來生肖本身都有自己嘅出生月份，比如鼠年11月、牛1月如此類推，所以就有寒冷／酷熱天氣出生之分。

狗、豬、鼠、牛
熱食
　　呢類生肖屬於喺寒凍天氣出生，人就比較寒涼，適宜食啲熱呀，比如火鍋、湯麵、蛇羹、堡仔菜......，總之「熱辣辣」就有助運程；至於煎炸、辣嘢食落口「慶烚烚」嘅亦啱。特別係鼠年中人生性貪食，食多啲煎炸嘢就最好不過。

蛇、馬、羊
凍食
　　蛇年開始嘰生肖出生漸漸踏入夏季，人就變得燥熱咗，特別係馬年屬於「火旺」，脾氣暴躁火急所以要食番多啲凍嘢調和吓，否則熱上加熱就更燥；冷麵、壽司、魚生、雪糕、冷盆等一類嘅食物都適合。

猴、雞、虎、免、龍
熱凍兩體
　　呢幾隻生肖屬於喺晤多凍又唔多熱嘅天氣出生，所以食玲、熱都無乜所謂；之不過虎年嘅人就要注意，如果你係屬於10月至2月份出世嘅，就仍然有啲寒氣，食多小小熱嘢就會好啲。

解話：而各生肖亦有所屬五行，所謂金木水火土，呢啲背景都會影響佢哋食嘢嘅硬度。

食硬
狗、猴、虎
　　所謂要硬碰硬，虎年屬「木旺」，所以要咬啲「硬嘢」去發洩至有發揮機會；而狗年屬「硬土」，同樣係衝動派，鬥心亦強，食「硬」一樣對佢有幫助，好似金沙骨、炒蟹、牛筋、硬殼果咁，總之夠韌、夠硬又要吮骨嘅就最合胃口；而猴年屬金，食硬嘢一樣掂。

食軟
豬、蛇、馬、兔
　　通常鍾意食腍嘢嘅人都分兩種，一係性格溫順柔弱，食嘢都比較慢條斯理（例：兔、豬），食啲腍嘢就會舒服啲；第二類（蛇、馬）生於較熱天氣，加上所屬五行，人燥食嘢自然又會急，食「硬嘢」就好容易鯁親，所以釀豆腐、蝦仁炒蛋、炆牛腩、蒸魚呢類腍嘅食物就啱啲；鍾意食生果就揀提子、香蕉、橙都唔錯，硬板啲嘅生果就不好攞去搾汁就飲得暢快。

鼠、牛、羊、雞、龍
軟硬兼施
　　呢類生肖亦屬於中和人士，唔需要食得特別腍或者硬，適中就最好。

解話：各生肖之間原來亦有所謂「有無情」，有情者就可以多食，無情者就少食為妙，當然食自己則可免則免！

蛇、馬、羊
水多

　　要幾多「水」其實取決於自己夠唔夠「水」，呢類生肖生性燥熱就自然要吸收多啲水分降吓溫，所以食多啲好似沙鍋津白、雲吞雞、湯麵及粥品呢類含水份豐富嘅食物就最好；至於生果當然最啱多汁嘅西瓜、蜜瓜、水蜜桃啦！

蛇──宜羊肉、雞肉；忌豬肉
馬──宜羊肉；忌雞肉
羊──宜豬肉、兔肉；忌牛肉

狗、豬、鼠、牛
水少
　　寒凍天氣出世嘅生肖通常都水份較多，水多嘅人就比較寒涼，所以盡量食少啲含水太多嘅食物；臘腸、燒味、煎魚、麵包及乾果一類嘅食物就可以食多啲。

狗──宜雞肉、兔肉、蔬菜；忌羊肉、牛肉
豬──宜羊肉、兔肉、雞肉；忌豬肉、蛇肉
鼠──宜蛇肉；忌馬肉、羊肉、蔬菜
牛──宜蛇肉、雞肉、蔬菜；忌羊肉

猴、雞、虎、兔、龍
無所謂
　　水份要多少唔需要特別介懷，皆因對運程影響並唔大，食物自然夠多。

猴──宜蛇肉、雞肉；忌豬肉、蔬菜
雞──宜蛇肉、四隻腳動物；忌兔肉、蔬菜
虎──宜豬肉、兔肉、蔬菜；忌蛇肉
兔──宜羊肉、豬肉；忌雞肉
龍──宜雞肉；忌四隻腳動物