風水命理開運專家

		報章名稱：東TOUCH 刊登日期：2003年07月22日文章主題：揭阿Sa撞邪之迷

區仲德師傅：阿Sa要增強火氣
　　對於阿Sa今次撞邪疑雲，相學家區仲德師傅講，其實以阿Sa精神狀態及命格嚟計，佢都應該要注意拍戲時嘅環境，如果唔係都會有撞邪危機。「其實每個人頭上都有一盞長明燈，只要精神唔好，唔夠瞓，眼會變得暗黑冇光，直接影響長明燈嘅亮度，到時陽氣下跌陰氣盛，去到一啲較陰森嘅地方就有好大機會撞邪。阿Sa係11月22日生日，屬寒命格，火比較弱，而且今年係陰年，加上7月水、土較重，如果唔想撞邪，好應該着番多啲紅色衫，戴紅色飾物亦可，而且等埋位時唔好貪暗角位較黑可以瞓覺，好應該着番個有燈光照到嘅地方坐，目的係加重自己火氣。如果拍戲場地陰氣重的話，不妨每日開工都喺四個角燒少少冥鏹，或者拜一拜都會有用。」