風水命理開運專家

>> 掌面相 >> 男星矮過女partner至夠型 >> 男星矮過女partner至夠型

		報章名稱：新Monday 刊登日期：2005年04月01日文章主題：男星矮過女partner至夠型

　　家陣星界最buy女高過男，你睇出爐5屆影帝梁朝偉，佢拍親嘅partner如張曼玉、王菲、陳慧琳，甚至佢位「正菜」劉嘉玲，全部都同佢差唔多高咸高過佢架！但偉仔咪一樣咁型！就算喺外國，出名唔高嘅湯告魯斯，咪又係矮過前妻妮歌潔曼一截，你睇佢2個眼神、造型一樣充滿自信，呢隻咪charm囉！就連堪輿學家區仲德師傅亦狠批女高過男屬「幫夫格」，男方事業會愈嚟愈勁，怪唔知得朝偉咁醒！

相士區仲德師傅：
女高男矮couple係「幫夫格」！
　　男仔身高矮過女仔，喺玄學角度睇，絕對利多於弊，堪輿學家區仲德師傅就話：「男性屬陽，女性屬陰，女性不嬲都係受保護，要搵人照顧，但如果1對夫妻，甚至情侶，男性較女性矮嘅話，一方面睇，男方會受女方控制，但係呢個亦屬幫夫格，女方可令男方嘅事業運較強，亦即係話女方會旺住男方，如果結埋婚個旺夫情況會重勁。」

男星mark「高碼頭」，偉仔最旺！
　　大家已經喺前頁睇過一柞男矮過女partner嘅型星喇！而區仲德師傅亦講過呢亭配合叫「幫夫格」，咁究竟邊個最「受惠」？首推梗係梁朝偉「mark」得最多「高碼頭」，成績最掂啦！有請區仲德師傅再講解佢哋面相，各位對啱號可以照入座，「mark」番件高妹旺一旺自己！

第1位　偉仔mark高妹必勝！
　　區仲德師傅：「偉仔本身眼細、眉組、口唇薄，適合搵啲面圓、眼大同比佢高少少嘅女仔，就會帶旺佢嘅事業，好似劉嘉玲嗰種最匹配。」

第2位　華仔同Kelly最旺
　　區仲德師傅：「華仔鼻高下巴尖，屬水格，除咗高妹能帶旺佢之餘，最好個女星係屬火，好似陳慧琳咁，就能令佢事業大旺。」

第3位　克勁靠高妹翻生
　　區仲德師傅：「克勤額頭飽滿，耳貼面同下巴回前兜，高少少嘅女仔啱佢，最好重要肥少少嘅，對佢搵錢就特別理想。」

第4位　城城唔mark高妹即dup
　　區仲德師傅：「城城面長、口細，眼神足，可以搵個唔使太高嘅女伴，矮少少就番佢都得架喇！」

終極mark人王！拍親高妹，志偉最掂！
　　區仲德師傅：「志偉屬五短身形，加上口大、鼻大，高高瘦瘦嘅女性就會令佢事業運更理想喇！」